I pyetur se çfarë mendon për rihapjen e rastit për djegien e spitalit modular në Tetovë, ku si pasojë e zjarrit humbën jetën 14 pacientë, kreu i LSDM-së, Venko Filipçe tha se nuk jep sugjerime, por që mbështet një gjë të tillë nëse dikush e sugjeron. I pyetur nëse ndjen përgjegjësi për këtë rast, Filipçe pas takimit me kryeministrin Hristijan Mickoski, tha se “nuk ka frikë”.
“Ndoshta do të hapen edhe disa raste të mëparshme, këtu përmendet edhe spitali modular në Tetovë. Çfarë mendoni për hapjen e serishme të atij rasti? A ndjeni ndoshta ndonjë përgjegjësi? Jo, shikoni, unë pas atij rasti kam parashtruar dorëheqje për arsye morale, në atë pjesë këtu nuk ka dilema. Nëse më pyesni personalisht. Absolutisht, as që kam frikë nga diçka, as nuk mendoj të sugjerojë nëse duhet apo nuk duhet. Nëse kushdo mendon që cilido rast nga e kaluara duhet të hapet, unë atë e mbështes”, theksoi Filipçe.
