Ministër i Politikës Sociale, Demografisë dhe Rinisë, Fatmir Limani, thotë se nuk është e vërtetë që Ambasada amerikane në Shkup nuk ia ka refuzuar vizën për të udhëtuar drejt SHBA-ve, siç u raportua ditë më parë.
“Nuk më është refuzuar viza. Rihapet edhe një plagë tjetër, në raport jo vetëm me mua por edhe me familjen time. Unë nuk mund ta zhbëjë historinë dhe veprimtarinë time, as personale, as familjare. Kam patur një akuzë, kam qenë i dënuar me 15 vite burg dhe mbi bazën e një amnestie jam liruar prej burgu. Ajo që më është kërkuar nga administrata e Ambasadës amerikane, më konkretisht nga konsulli i Ambasadës ka qenë unë t’u deponoj atyre fletë-lëshimin mbi bazën e kujt amnestie unë jam liruar prej burgu dhe me këtë do të përmbyllet i gjithë ky proces. Në atë aplikim edhe pse kanë qenë të shumta aryset që jo që nuk më është dhënë viza, por më është dhënë një përgjigje”, u shpreh Limani.
“Ditën e premte është dashur të udhëtoj, ditën e enjten është deponuar kërkesa për aplikim bashkë me një pjesë të kabinetit tim që do të thotë, ka qenë edhe aplikimi i vonuar. Vonesa ka pas edhe në Ministrinë e Jashtme sepse prej atje fillon e gjithë kjo katrahur. Por, sido që të jetë, te presim të vendosin ata pastaj unë nuk fshihem pas hijes, më dhanë apo s’më dhanë vizë. Unë jam ministër”, tha Limani,
Ministër i Politikës Sociale, Demografisë dhe Rinisë, Fatmir Limani, është i bindur se Arben Taravari nuk do ta braktisë koalicionin VLEN në prag të zgjedhjeve lokale.
Në emisionin “Dialog te Lajmi” që transmetohet sonte ora 18:30, Limani tha se beson fortë se Taravari asnjëherë nuk do bashkëpunonte me Ali Ahmetin.
“Mbrëmë deri në ora 2 pas mesnate kemi qenë në mbledhje. Unë jam pjesë përbërëse e atij ekipit të liderëve. Në mbledhje ishim dhe me Taravarin. Nuk e di pse i besoj shumë Arbenit dhe jam bindur që këtë veprim nuk e bën. As që diskutoj që mund të bëjë ndonjë veprim të tillë”, tha Limani në emisionin “Dialog te Lajmi” që transmetohet sonte ora 18;30.
