Jetojmë në një shoqëri me mosbesim të madh, një shoqëri në të cilën nuk e respektojmë njëri-tjetrin dhe nuk jemi ende të pjekur për të pranuar dallimet, tha sonte zëvendëskryeministri për Çështje Ekonomike Fatmir Bitiqi, duke komentuar fishkëllimat e gjuhës maqedonase. në festën me rastin e 21 vjetorit të nënshkrimit të Marrëveshjes kuadër.
Fishkëllimën e gjuhës maqedonase e kam përjetuar shumë rëndë. Na tregon se në çfarë lloj shoqërie jetojmë, një shoqëri me mosbesim të madh, në të cilën nuk e respektojmë njëri-tjetrin dhe nuk jemi ende mjaft të pjekur për të pranuar diversitetin. Unë jam një prej tyre dhe do të vazhdoj të luftoj për konceptin “një shoqëri”, tha Bitiqi në një dalje në televizionin Kanal 5.
I pyetur për kërkesën e VMRO-DPMNE-së për mbajtjen e zgjedhjeve të parakohshme, ai ka përsëritur edhe një herë se në kohë krize, të gjithë duhet të sillen me përgjegjësi.Në vitin 2020, kur m’u dha mundësia të isha zëvendëskryeministër, thashë që në një periudhë krize, të gjithë duhet të sillemi me arsye. Besoj se në vend që të kërkojmë zgjedhje dhe referendum, duhet të ulemi bashkë dhe të shohim se cilat janë zgjidhjet për daljen nga kriza, theksoi Bitiqi.
