Unë dhe kryeministri Dimitar Kovacevski do të shkojmë në Abu Dhabi si vazhdimësi e asaj që kemi bërë deri më tani, për të gjetur investitorë me komunikim të drejtpërdrejtë për nevojat tona, tha sonte ministri i Financave Fatmir Besimi.
“Tashmë kur të kemi një program me FMN-në dhe kur të kemi politika të qarta, aty do t’i prezantojmë politikat tona makroekonomike, synimet zhvillimore në vendin tonë dhe do të kemi takime me përfaqësues të disa fondeve”, ka shpjeguar Besimi në Sitel, duke folur për vizitën e ardhshme në Emiratet e Bashkuara Arabe.
Besimi tha se një nga ato fonde me të cilat do të kenë takime, investon drejtpërdrejt në tregjet financiare ndërkombëtare.
Ai tregoi se një nga temat e takimeve me investitorët do të jetë eurobondi ynë për vitin 2023.
“Ka edhe fonde zhvillimore që investojnë në projekte zhvillimore në kushte të favorshme, qofshin ato projekte infrastrukturore, projekte që kanë të bëjnë me sektorin privat, agrobiznesin, turizmin, projektet e zhvillimit të gjelbër”, tha ministri.
Ai theksoi se ky është takimi i tretë me përfaqësues nga Emiratet e Bashkuara Arabe.
– Presim që të ketë diçka më konkrete për këtë temë. Ka një disponim, ata e njohin tregun tonë. Fondi i investimeve të Emirateve ka blerë tashmë eurobonot tona në ankande, ndaj ne nuk jemi të panjohur për tregun e tyre, shtoi ministri.
Besimi, duke iu referuar kredisë së aprovuar për vendin nga FMN, tha se programi me të cilin është marrë i jepet ekskluzivisht vendeve që kanë politika të shëndosha makroekonomike dhe ky është një sinjal i mirë për ne.
– Ky është një program dyvjeçar dhe kur skadon programi, ka një periudhë pagese prej tre deri në pesë vjet në një periudhë mospagimi. Normat e interesit janë jashtëzakonisht të favorshme për atë që janë SDR-të, nga një për qind për vende si ne në një nivel të përdorimit të SDR prej 187%. Ne de facto e përdorim atë të drejtë si themelues i FMN-së në bordin themelues, si pronar kemi të drejta të veçanta tërheqjeje të cilave mund t’i drejtohemi edhe tani. Ne jemi përfshirë në këtë pjesë me shumën e përdorimit të atyre të drejtave të tërheqjes deri në 110 këtë vit dhe 170 vitin e ardhshëm dhe pjesa tjetër prej 530 milionë do të mbetet si masë paraprake, nëse në raste të jashtëzakonshme paraqitet nevoja mund t’i tërheqim edhe ato, sqaroi Besimi.
