Mumin Ismaili kërkoi nga kryeprokurori Lupço Kocevski që të rihapet hetimi për spitalin Modular në Tetovë dhe procedura gjyqësore të zhvillohet siç thotë Ismaili, pa ndikim partiak ose të biznesit, shkruan TV21. Mes tjerash, Ismaili tha se kërkojnë që ekspertiza gjermane të jetë si prove kyçe në këtë hetim
“Si familjarë të viktimave, kërkojmë nga ju të rihapet hetimi për të gjithë fajtorët e vërtetë të zjarrit në Spitalin Modular në Tetovë, të formoni një ekip të pavarur që do të shqyrtojë të gjitha aspektet e rastit, përfshirë edhe zvarritjen eventuale të procedures nga prokurorët. Të garantoni se procedura gjyqësore do të zhvillohet pa ndikim partiak apo të biznesit. Të siguroni transparencë dhe përgjegjësi në punën tuaj. Ekspertiza gjermane të jetë si prove kyçe në këtë hetim. Ne nuk do të heshtim, do zë vazhdojmë të flasim për të dashurit tanë që i humbëm”, tha Ismaili
