burimi
Ministri i Punëve të Jashtme, Bujar Osmani, në paraqitjen e ftuar në “10 minuta” në “TV21” tha se nuk është refuzuar “propozimi francez”, por pjesa e kontestuar.
Osmani tha se nga pala maqedonase është refuzuar vetëm pjesa e kontestuar.
“Propozimi francez e vendos pjesën e diskutueshme në kllapa. Kjo do të thotë se nuk është një propozim përfundimtar i presidencës franceze, ndaj nuk mund të them se nuk e kemi pranuar dokumentin. Por ne nuk e pranuam vetëm pjesën e kontestuar për ne”, tha Osmani
Por ministri pranon gjithashtu se ka mundësi që deri në fund të qershorit të mos marrim fare propozim të ri.
- Nëse nuk jemi dakord, pra nëse njëra nga palët nuk pranon, atëherë mund të ndodhë që deri në fund të qershorit të këtij viti të mos marrim një propozim të ri. Nëse ankohemi në qëndrimet tona dhe themi se nuk e pranojmë një zgjidhje të tillë dhe në të njëjtën kohë bullgarët bëjnë të njëjtën gjë, atëherë thjesht e dimë se si do të shkojnë gjërat më tej. Jemi në komunikim të vazhdueshëm me Francën dhe Bullgarinë për të parë se si të dalim me një propozim që do të ketë parasysh ndjeshmëritë. Nuk mund të kemi një propozim që merr parasysh vetëm kërkesat bullgare”, tha Osmani.
