Shtetet e Bashkuara të Amerikës (SHBA) mbështesin fuqimisht procesin e zbatimit të ndryshimeve kushtetuese që Maqedonia e Veriut duhet të miratojë për të vazhduar integrimin e saj evropian, dhe janë të angazhuara me qeverinë e re të Bullgarisë për të siguruar që ajo të mos bëjë kërkesa të reja për Shkupi .
Kështu ka theksuar i dërguari special i SHBA-së për Ballkanin Perëndimor, Gabriel Escobar, gjatë debatit të mbrëmshëm për Ballkanin Perëndimor para Nënkomisionit për Politikë të Jashtme të Kongresit Amerikan.
“Për të çuar përpara aspiratat e saj për BE-në, qeveria e Maqedonisë së Veriut është zotuar të sjellë ndryshime kushtetuese për të ndryshuar njohjen e pakicës bullgare. “Ne e mbështesim fuqimisht këtë hap të vështirë por të domosdoshëm dhe jemi gjithashtu të angazhuar me qeverinë e re të Bullgarisë për të siguruar që ajo të mos bëjë kërkesa të reja pasi Maqedonia e Veriut të përmbushë detyrimet e saj sipas marrëveshjeve ekzistuese”, tha Ekobar.
Ai theksoi se Maqedonia e Veriut dhe Shqipëria i kanë hapur tashmë negociatat e anëtarësimit me BE-në dhe janë partnerë të fortë të Shteteve të Bashkuara dhe aleatëve të NATO-s, të cilët mbrojnë normalizimin e marrëdhënieve ndërmjet Beogradit dhe Prishtinës.
