Ministri “do të vazhdojë përpjekjet tona për të vendosur një armëpushim dhe paqe përmes bisedimeve me të dyja palët,” shtoi ai.
Erdogan nuk tha se kë do të takohej ministri në asnjërin vend. Ai njoftoi ardhjen nesër në Turqi të presidentit polak Andrzej Duda. Ankaraja priti takimin e parë që nga fillimi i konfliktit në 24 shkurt midis ministrit të jashtëm rus Sergei Lavrov dhe ukrainasit Dmitry Kuleba të enjten e kaluar.
Bisedimet e drejtpërdrejta mes dy zyrtarëve, të cilët ministri turk i quajti “jo të lehta, por të civilizuara”, nuk çuan në një armëpushim. Megjithatë, Çavusoglu shpreson se do të ketë një takim mes presidentit rus Vladimir Putin dhe ukrainasit Vladimir Zelensky.
“Kuleba tha se presidenti Zelensky ishte gati dhe Lavrov tha se Putini nuk ishte kundër kësaj në parim”, tha ai. Turqia, partneri i Ukrainës dhe anëtar i NATO-s, po ndërmjetëson në mënyrë aktive midis Moskës dhe Kievit dhe nuk dëshiron t’i bashkohet sanksioneve perëndimore kundër Rusisë.
