Kryetari i BDI-së dega Zhelinë sot ka dhënë një lajm të mirë për fshatin Trebosh të Zhelinës. Ai ka siguruar 6 milionë denarë për ujësjellësin e këtij fshati e që është kërkuar që nga viti 2016 po nga BDI-ja.
“Përkujdesemi për përmirësimin e jetës së qytetarëve të Komunës së Zhelinës.
Me angazhim maksimal, bashkërisht me Sekretarin shtetëror ne Ministrinë e Mjedisit Jetësor dhe Planifikimit Hapësinor z.Nebi Rexhepi, arritëm të sigurojmë mjete nga e njejta ministri për realizimin e projektit për ndërtimin e rrjetit sekondar të ujësjellësit në fsh.Trebosh, në vlerë prej 6 milion denarë.
Gjithashtu vlen të theksohet se dokumentacioni teknik i projektit , elaboratet e nevojshme dhe të gjitha procedurat tjera administrative për të marë leje për realizim, kanë kaluar që në kohën kur pushteti lokal udhëhiqej nga kuadër i BDI-së.
Përkushtimi i BDI-së si subjekt politik për zgjidhjen e problemeve të qytetarëve nuk do të ndalon, pamvarësisht se nuk udhëheqim me pushtetin lokal” ka shkruar Sulejmani.
Emir Sulejmani nga BDI-ja i siguron mjetet për ujësjellësin e Treboshit (FOTO)
