Ministri për diasporë, Edmond Ademi në emisionin “Rruga drejt” në Alsat tha se zgjedhja e një shqiptari për kryeparlamentarë, avancimi i gjuhës shqipe dhe mos diskriminimi i etnive të ndryshme në institucionet vendore është rezultat i konceptit “një shoqëri e barabartë për të gjithë”.
Para pesë viteve të themi nuk ishte e mundur që kryetari i Parlamentit të jetë shqiptar, pse deri para pesë viteve gjuha shqipe, ishte në nivelin që ishte, në krahasim me atë që është sot.Pse deri para pesë viteve institucionet trajtonin qytetarët ndoshta në nivele të ndryshme. Sot kemi një koncept krejt ndryshe, kjo është rezultat i atij koncepti një shoqëri e barabartë për të gjithë, ku nënkupton barazinë edhe etnike, edhe fetare edhe politike , e kështu me radhë”-theksoi ministri për diasporë, Edmond Ademi.
