Për shkak të shirave të rrëmbyeshëm, në New York u lëshua një paralajmërim për përmbytje, disa rrugë u mbyllën dhe fluturimet u vonuan.Shirat e rrëmbyeshëm në Nju Jork dhe Nju Xhersi të hënën në mbrëmje shkaktuan përmbytje të menjëhershme që vranë dy persona dhe e detyruan Guvernatorin e Nju Xhersit, Phil Murphy, të shpallte gjendje të jashtëzakonshme.Zyrtarëve iu desh të kryenin operacione shpëtimi pasi përmbytjet i lanë shoferët të bllokuar ndërsa automjetet e tyre u ngritën në ujë.Në Plainfield, New Jersey, dy persona vdiqën kur një makinë u rrëmbye nga ujërat e përmbytjeve ndërsa stuhia goditi vendin, tha Guvernatori Murphy.
Stuhi të tjera priten me potencialin për më shumë përmbytje në verilindje, si dhe në Florida dhe në SHBA-në e mesme perëndimore, sipas Shërbimit Kombëtar të Motit (NWS).
Që nga mëngjesi i së martës, disa rrugë kryesore në New Jersey u mbyllën për shkak të përmbytjeve, ndërsa si New York City ashtu edhe New Jersey përjetuan vonesa në metro.Nju Xhersi pati më shumë se 15 cm shi brenda pak orësh të martën në mbrëmje, duke çuar në vonesa dhe anulime të fluturimeve në Aeroportin Ndërkombëtar të Njuark Liberty.
Në Scotch Plains, New Jersey, njerëzit u desh të shpëtoheshin, përfshirë një rast në të cilin ekipet e ndihmës së shpejtë u desh të përdornin një litar për të nxjerrë një burrë nga makina e tij për t’i shpëtuar ujërave të përmbytjes, sipas partnerit amerikan të BBC-së, CBS News.
Ujërat e përmbytjeve vërshuan gjithashtu nëpër stacionet e metrosë në New York City të hënën në mbrëmje, duke u derdhur në vagonët e metrosë.
Qyteti i Nju Jorkut pa reshjet e dyta më të larta në më shumë se 80 vjet – 5 inç reshje në vetëm 30 minuta.Përmbytjet goditën edhe disa pjesë të Virxhinias, me dy qytete, Colonial Heights dhe Petersburg, në rrezik dëmesh “katastrofike” nga përmbytjet, sipas NWS.
Reshjet më të dendura të shiut po lëvizin tani drejt lindjes dhe po dobësohen në intensitet, tha NWS në New York, duke i inkurajuar njerëzit të jenë të kujdesshëm ndaj mbylljeve të rrugëve.
Shiu vjen dy javë pasi përmbytjet ekstreme vranë mbi 130 persona në Teksasin jugor qendror, me shumë njerëz që ende deklarohen të zhdukur.
