Dy persona nga Tetova dje janë kapur nga policia në tentim për të vjedhur në parcelën e një kompanie nga Tetova, përcjell TV21. Rasti ka ndodhur gjatë ditës së djeshme ndërkaq nga policia e Tetovës thonë se zyrtarët e policisë janë sulmuar fizikisht gjatë arrestimit të të njëjtëve.
“Pjesëtarët policisë të SPB-Tetovë dje (13-qershor) rreth orës 04:15 në rrugën “Vidoja Smilevski-Bato” në Tetovë kanë privuar nga liria personat M.N. (53) nga Zhelina e Tetovës dhe A.N.(49) nga Xhepçishti i Tetovës, të cilët paraprakisht janë vërejtur duke tentuar të kryejnë një vjedhje në një parcelë të një kompanie nga Tetova, ku gjatë privimit nga liria i kanë sulmuar fizikisht pjesëtarët e policisë. Të dy janë ndaluar në Stacionin Policor të Tetovës dhe pas dokumentimit të plotë të rastit do të përpilohen parashtresa përkatëse”, thonë nga SPB-Tetovë.
