Florian Dushi nga LDK-ja ka kërkuar nga institucionet shtetëtore që t’i dalin ndihmë KQZ-së për përmbylljen e procesit.
Ish-anëtari i LDK-së në KQZ ka thënë se qetësia e pushtetit në fushatën zgjedhore tregon se VV-ja ka dorë në manipulimet brenda KQZ-së.
“Sulmet e partisë shtet para, gjatë dhe pas zgjedhjeve ndaj KQZ-së dhe proceseve që po zhvillohen aty, po e cenojnë rëndë dhe në mënyrë të pakorrigjuar besimin e qytetarëve në procesin zgjedhor.
Qetësia e pushtetit gjatë fushatës zgjedhore, është treguesi më i mirë se ky subjekt ishte i orientuar dhe angazhuar në “aktivitete” tjera që ndërlidhen me goditjen e procesit zgjedhor – prej sulmeve kibernetike deri te sulmet e militantëve bandit në qendra të numërimit të KQZ-së.
Institucionet përkatëse shtetërore duhet t’i dalin në ndihmë Komisionit Qendror të Zgjedhjeve për t’i mundësuar përmbylljen e procesit dhe përpilimin e rezultatit në mënyrë të shpejtë e të drejtë” shkruan Dushi në reagim./Indeksonline/
