Ministri i Drejtësisë së Maqedonisë, Nikolla Tupançevski ka folur sot për zhvillimet aktuale dhe mundësinë e zgjerimit të shumicës qeveritare.
Duke folur për spekulimet gjithnjë e më të zhurmshme se me hyrjen e Aleancës për Shqiptarët në Qeveri, “viktima” e parë do të jetë posti i tij ministror, Tupançevski thotë se nuk është i rënduar nga ky zhvillim i ngjarjeve dhe se deri në ditën e fundit që do të jetë ministër do të japë maksimumin për përmirësimin e gjendjes së drejtësisë në vend.
“Nuk jam i sigurt se ndryshimi i shpejtë i ministrave është zgjidhja më e mirë, por definitivisht jo gjithçka varet nga Ministria e Drejtësisë, shumë gjëra varen nga faktorë të tjerë që nuk janë drejtpërdrejt fatkeqësisht apo fatmirësisht me Ministrinë e Drejtësisë. Pra, nuk ka ndonjë ngarkesë shtesë se si do të jetë zhvillimi i ngjarjeve, ne jemi patjetër të gatshëm t’u përgjigjemi të gjitha sfidave” deklaroi Nikolla Tupanceski./KlanMacedonia
