Ish-presidenti i SHBA-së dhe kandidati republikan për president Donald Trump dënoi fjalimin e kandidates demokrate Kamala Harris në Konventën Kombëtare Demokratike dhe theksoi në mënyrë specifike gjëra që ajo nuk i përmendi në fjalimin e saj 45-minutësh.
“Ajo nuk e përmendi Kinën, nuk përmendi energjinë, nuk përmendi Rusinë dhe Ukrainën, nuk përmendi temat kryesore të sotme që po shkatërrojnë vendin tonë”, tha Trump në platformën “Truth Social” pasi Harri mbaroi fjalimin e saj.
Ai gjithashtu përmendi se ka 60 milionë njerëz që jetojnë në varfëri në SHBA dhe se “edhe Kamala Harris nuk foli për ta”, theksoi ai.
