Përpjekja e dytë e Rusisë për të testuar një raketë të re të rëndë nga baza hapësinore në Lindjen e Largët dështoi të mërkurën.Nisja e raketës Angara-A5 nga Vostochny u anulua rreth dy minuta para kohës së planifikuar të nisjes në orën 09:00 me orën lokale. Sipas Agjencisë shtetërore e lajmeve RIA-Novosti shkaku ishte dështimi i sistemit të presionit të rezervuarit oksidues të bllokut qendror të raketës.
Agjencia kombëtare hapësinore Roscosmos u shpreh se përpjekja e radhës shtyhet sërish, me të paktën një ditë.
Lëshimi i raketës do të ishte i katërti për Angara-A5, e planifikuar të transportojë ngarkesa më të mëdha se 20 tonë në orbitë dhe e zhvilluar për të zëvendësuar raketat Proton të dizajnuara nga sovjetikët.
Presidenti Vladimir Putin ka ambicie të mëdha për programin hapësinor të Rusisë, duke përfshirë ndërtimin e planifikuar të një stacioni të ri hapësinor rus deri në vitin 2027, dhe e ka përshkruar projektin Angara si një rëndësi të madhe për sigurinë kombëtare.
Ky do të ishte lëshimi i parë nga Vostochny, i vetmi vend i nisjes së anijes kozmike të Rusisë pas-sovjetike. Për shkak të vendndodhjes së tij më afër ekuatorit, Angara-A5 mund të dërgojë një ngarkesë më të rëndë në orbitë nëse niset nga atje dhe jo nga Plesetsk, një strukturë e epokës sovjetike.
