Deputetja e Bdi-së Rina Ajdari nëpërmes murit të saj në FB ka shpërnarë lajmin .
Sot në mbledhjen e dhjetë të Këshillit Nacional për Eurointegrime u bë prezantimi i programit dhe prioriteteve të Kryesisë së Mbretërisë së Spanjës me Këshillin e Bashkimit Evropian për periudhën korrik-dhjetor 2023.
Në fjalën time, theksova që në një kontekst gjeopolitik në të cilin është i papranueshëm agresioni rus ndaj Ukrainës, prioritet paraqet ruajtja e unitetit të shteteve anëtare, ruajtja e partneritetit ndërkombëtar si dhe mbrojtja e një paqeje të drejtë nën parimet e sovranitetit dhe integritetit territorial.
Këto janë sfidat e unionit, sfidat e Evropës, të sigurisë, të paqes, të mirëqenies, sfidat e kohës sonë dhe kokëdhembjet tona të përditshme.
Ne si qytetarë të Maqedonisë së Veriut besojmë në një Evropë të tillë, e ëndërrojmë atë por edhe e kemi ngritur në kult. Vizionin evropian e kemi vënë përpara çdo interesi tjetër.
Mbretëria e Spanjës si kryesuese me këshillin duhet të punojë për të relizuar prioritet e përcaktuara të presidencës ndërsa ne si vend pretendent për anëtarësim kemi poashtu një sfidë tejet të rëndësishme për ta tejkaluar, atë të realizimit të ndryshimeve kushtetuese në mënyrë që të hapim negociatat me bashkimin evropian sepse ne realisht nuk kemi alternativë tjetër, kjo është rruga të cilën duhet ta trasojmë e ta ndjekim.
