Ministri i Punëve të Jashtme, Bujar Osmani, sot do t’u drejtohet anëtarëve të Komisionit për Politikë të Jashtme të Kuvendit të Republikës së Maqedonisë së Veriut.
Siç njofton MPJ, ministri Osmani do t’i informojë anëtarët e Komisionit parlamentar për rrjedhën e bisedimeve dhe për marrëdhëniet e përgjithshme ndërmjet Republikës së Maqedonisë së Veriut dhe Republikës së Bullgarisë.
Seanca e këtij komisioni është caktuar të fillojë në ora 11:45 në sallën Boris Trajkovski.
