Borxhi publik i shtetit në fund të vitit do të arrijë në 9.7 miliardë euro, ose 62,7% të Bruto Produktit Vendor, zbuloi zv/ministri i Financave, Nikollçe Jankullovski në emisionin “Biznes 21” në TV21. Kjo do të thotë se vetëm për tre muajt e fundit të vitit borxhi do të rritet me gati një miliard euro. BPV-ja e vlerësuar mbi të cilën është bërë projeksioni arrin në 15.5 miliardë euro.
Ekspertët kanë paralajmëruar më parë se borxhi publik po rritet me hapa të mëdhenj dhe mund të kalojë 70% të BPV-së deri në fund të vitit. Ata u përgjigjën se po shkelet rregulli fiskal që borxhi të jetë nën 60% të BPV-së.
Ndryshe, borxhi publik i vendit para 20 viteve, në vitin 2004, ishte 1.7 miliardë euro. Në vitin 2014 rritet në rreth 4 miliardë dhe në vitin 2024 do të arrijë në 9.7 miliardë euro.
Jankullovski theksoi se ka pasur devijime për disa arsye, duke përfshirë korrigjimet e pagave me kontrata kolektive, mbulimin e shumave të larta të obligimeve ligjore të papaguara, si dhe për shkak të obligimeve financiare të dakorduara më parë për Korridoret 8 dhe 10d për Behtel dhe Enka.
