Gjermania ka njoftuar heqjen e të gjitha masave nga muaji i ardhshëm, duke lënë vetëm atë që lidhet me mbajtjen e maskave. Vendi planifikon të festojë “Ditën e Lirisë” më 20 mars, kur të gjitha masat epidemiologjike duhet të “bien”, pohon gazeta “Bild”.
E përditshmja shkruan se qeveritarët e provincave kanë përgatitur tashmë një vendim që parashikon një plan për lehtësimin e masave në tre hapa.
Masat në lidhje me festimet private do të lehtësohen fillimisht, pasi aktualisht ka një kufi për numrin e të pranishmëve deri në maksimum dhjetë.
Gjithashtu është planifikuar heqja e kontrollit të statusit të vaksinave për hyrjen në dyqane.
Nga data 4 mars duhet të hiqen kufizimet që vlejnë për hotelerinë dhe hotelet, si dhe është planifikuar hapja e klubeve të natës. Kjo do të thotë se nga fillimi i muajit mars në lokalet dhe hotelet do të zbatohet rregulli “3G”, me të cilin të pavaksinuarit do të mund të vijnë nëpër kafene nëse do të kenë rezultat negativ.
Diskotekat dhe klubet e natës do të jenë të aksesueshme për ata që janë vaksinuar, që kanë infektuar infeksionin, si dhe një test negativ ose dozë përforcuese.
Gjithashtu, eventet e mëdha, si ndeshjet e futbollit, do të jenë të hapura sipas rregullit “2G” ose “2G plus”.
Masat e fundit epidemiologjike do të “bien” më 20 mars, kur do të hiqen të gjitha masat për kufizimin e lirisë së qytetarëve.
Megjithatë, detyrimi për të mbajtur maskë do të mbetet.
