I pari i Tetovës i ftuar në emisionin Click Plus në TV21 tha se qytetarët e tij që u dëmtuan dje nga shirat e rrëmbyeshëm do të dëmshpërblehen. Kasami bëri me dije se deri më tani janë identifikuar 75 familje dhe institucione të prekura. Sipas tij, e çuditshme është fakti se në këto përmbytje janë përfshirë edhe disa shkolla të rikonstruara vetëm pak vite më parë.Unë do të pres që komisioni do të dalë në terren dhe të bëjë përllogaritjen sesa është dëmi i këtyre 75 familjeve dhe institucioneve publike. Këtu kemi edhe shkolla ku para pak vitesh janë rikonstruktuar dhe përsëri kemi pasur rrjedhje shiu dhe dëmtime. Nga komuna paraprake nuk është bërë investimi i duhur. Unë çdo ditë jam në mesin e qytetarëve të mi”- tha Kasami.
© Telegrami.mk