Presidenti i Shteteve të Bashkuara të Amerikës, Joe Biden, e konsideron Presidentin e Federatës Ruse, Vladimir Putin, se nuk është një kriminel lufte dhe pak më vonë mendon se është.
Presidenti Biden bëri pohimet kontradiktore se “Putini është dhe nuk është një kriminel lufte”, teksa komunikonte me një grup gazetarësh me të cilët u takua të mërkurën.
Qëndrimi i qeverisë amerikane ka qenë prej kohësh se “krime lufte” janë kryer në Ukrainë, megjithatë Biden fillimisht u përgjigj “jo” kur u pyet nëse Putin ishte një kriminel lufte.
Por, pak më pas ai është rikthyer në grupin e gazetarëve për të deklaruar të kundërtën e asaj që tha. “Po, unë mendoj se ai është një kriminel lufte.”
Videoja e deklaratës së Biden gjatë një bisede me gazetarët u publikua nga reporteri i CNN Kevin Liptak në Twitter dhe më pas në të gjitha rrjetet televizive amerikane. /noa.al
