Presidenti i SHBA-së, Joe Biden, ka thënë se administrata e tij nuk do të ndalet derisa të gjejë fajtorin për sulmin e të martës në stacionin e metros në Brooklyn, raporton CNN.
Biden e ka përmendur këtë rast gjatë fjalimit hapës së tij në Iowa.
“Bashkëshortja ime Jill dhe unë po lutemi për të lënduarit dhe të gjithë ata që janë prekur nga kjo traumë. Jemi falënderues për të gjithë ata që kanë ndihmuar në këtë rast, përfshirë edhe civilët, që nuk kanë hezituar për të ndihmuar”, ka thënë Biden.
Biden ka thënë se janë në kontakt me gjitha institucionet përkatëse dhe se nuk do të ndalen derisa të kapet sulmuesi.
Një kamion i mallrave i kompanisë U-Haul, për të cilën Policia thotë se është e lidhur me sulmin në metron në Brooklyn, është gjetur.
