Këshilli Gjyqësor i Republikës së Maqedonisë së Veriut sot në Mbledhjen e 463-të zgjodhi gjykatësin Besnik Avdija për kryetar të Gjykatës Themelore Civile në Shkup, i cili ishte kandidati i vetëm i paraqitur në konkurs. Për kryetar të Gjykatës Themelore në Negotinë u zgjodh gjykatësja Biljana Tolova, gjithashtu kandidate e vetme.
Kryetare të Gjykatës Themelore të Kërçovës Këshilli e caktoi gjykatësen Futurie Dervishin, një nga tre kandidatët e paraqitur në konkurs së bashku me Amdie Zengul dhe Biljana Kizhevska.
Në Gjykatën Themelore Kriva Pallankë unanimisht u zgjodh gjykatësi Orce Jankovski si kandidati i vetëm i paraqitur dhe me 12 vota “për” në Gjykatën e Shtipit u zgjodh gjykatësi Aco Tasev.
Në rend dite të mbledhjes së sotme të Këshillit Gjyqësor janë edhe përcaktimi i u.d. kryetarëve të Gjykatës së Lartë Administrative, Gjykatës themelore civile Shkup, Gjykatës themelore Kërçovë dhe Gjykatës themelore Negotinë, si dhe vendimi për konstatimin e ndërprerjes së funksionit të gjykatësit për shkak të përmbushjes së kushteve për pensionim.
