Edhe përkundër largimit të Menduh Thaçit nga Fronti Evropian, BDI vlerëson se grupi parlamentar do të vazhdojë të veprojë si opozitë dhe me përbërje të plotë. Arta Bilalli Zendeli, thotë se kreu i PDSH-së, në deklaratën e tij, e ka bërë të qartë se do të veprojë si opozitë dhe se do të ketë konsultime të rregullta me Ali Ahmetin. Bilalli Zendeli thotë se nuk pritet të ketë largime të reja nga Fronti.
“Kam përshtypjen se grupi parlamentar si i tillë akoma është grup opozitar dhe është funksional në përbërje të plotë…Mendoj se për Frontin Evropian janë të thirrur dhe mbajnë përgjegjësi atë që e thonë vetë deputetët por edhe liderët e frontit evropian. Jo aktorët nga jashtë Frontit Evropian”, deklaroi Arta Bilalli Zendeli, Fronti Evropian.
