Bashkimi Demokratik për Integrim në një komunikatë lëshuar mediave ka dënuar ashpër dhunën skandaloze të foshnjës 3 muajshe për motive etnike. Nga BDI kërkojnë dorëheqjen e ministrit të Shëndetësisë, Arben Taravari dhe drejtorit të Klinikës për Fëmijë në Shkup.
“Dhuna e konstatuar fizike skandaloze ndaj një foshnje shqiptare 3 muajshe për motive etnike nga personeli mjekësor në Klinikën e Fëmijëve është e papranueshme, jonjerëzore dhe vjen si pasojë e impotencës politike të humbësve të zgjedhjeve që po poshtërsojnë shqiptarët çdo ditë e më tepër.
Bashkimi Demokratik për Integrim kërkon hetim të menjëhershëm dhe përgjegjësi ligjore për shkaktuesit e dhunës dhe përgjegjësi të bartësve të funksioneve pa legjimitetin etnik në ministrinë e shëndetësisë dhe në klinikën për fëmijë.
