Bashkimi Demokratik për Integrim ka reaguar ndaj një ngjarjeje në Manastir, ku, sipas këtij subjekti politik, një i ri shqiptar me shtetësi suedeze është sulmuar nga një grup i panjohur vetëm pse mbante një bluzë me shqiponjë. BDI këtë ngjarje e vlerësuar si akt të turpshëm dhe të rrezikshëm.
Bashkimi Demokratik për Integrim ka reaguar ndaj një ngjarjeje në Manastir, ku, sipas këtij subjekti politik, një i ri shqiptar me shtetësi suedeze është sulmuar nga një grup i panjohur vetëm pse mbante një bluzë me shqiponjë. BDI këtë ngjarje e vlerësuar si akt të turpshëm dhe të rrezikshëm.
Përmes një komunikate për medie, BDI thotë se “kjo ngjarje është dëshmi e qartë se nacionalizmi, diskriminimi dhe urrejtja po ushqehen përditë nga partitë në pushtet dhe nga vetë kreu shtetëror”.
“Kur në tribuna, në prezencë të krerëve të shtetit, dëgjohen thirrje urrejtjeje dhe askush nuk mban përgjegjësi penale, kur përfaqësuesit më të lartë të pushtetit tallen duke thënë se “nuk kanë dëgjuar” ato thirrje, atëherë nuk kemi të bëjmë më me incidente të izoluara, por me një klimë të qëllimshme nxitjeje dhe relativizimi të urrejtjes”, thuhet në komunikatë.
Sipas BDI-së, kjo qasje është në kundërshtim të drejtpërdrejtë me frymën e Marrëveshjes së Ohrit dhe vlerave mbi të cilat ndërtohet bashkëjetesa.
Tutje, BDI u bën thirrje organeve të drejtësisë të reagojnë me masa të menjëhershme dhe pa kompromis.
“Çdo vonesë, çdo heshtje dhe çdo justifikim do të shihet si bashkëfajësi, sepse shteti nuk mund të ndërtohet mbi urrejtje, por mbi barazi dhe respekt të ndërsjellë” thuhet në komunikatë.
