Disa zyrtarë janë arrestuar nga Shërbimet Administrative të Ministrisë së Brendshme sepse kanë lëshuar certifikata dhe dokumente për qëndrim në Maqedoni pa kryer kontrollet e kërkuara ligjërisht, dhe për këtë kanë marrë ryshfete nga qindra eurosh secili, shkruan TV21. Të huajt mund të qëndrojnë në Maqedoni jo më shumë se 3 muaj, ose 90 ditë, dhe nëse e tejkalojnë këtë periudhë, dëbohen nga vendi.
Megjithatë, me një dokument për qëndrim, të huajt mund të qëndrojnë në Maqedoni për një periudhë më të gjatë, ligjërisht, dhe të kryejnë aktivitetet për të cilat kanë marrë dokumentin e qëndrimit (studim, punë dhe aktivitete të tjera).Për të shmangur procedurat ligjore, u krijua një skemë për të lëshuar dokumente të falsifikuara që lëshoheshin për një çmim të përshtatshëm. Operacioni është duke vazhduar dhe po kryhen bastisje në disa lokacione./tv21.tv
