Komuna e Zhelinës bëhet me njësi të zjarrfikësve. Një pjesë e zjarrfikësve të Tetovës do të bëjnë kujdestari në komunën e Zhelinës, për të qenë më afër qytetarëve.
Komuna Zhelinës do të ketë njësitin e vetë, komuna e Tearcës do ta mbulojë dhe Jegunocin. Do të ketë njësitin e vetë edhe komuna Bogovinës, do të mbulojnë edhe komunën e Bërvenicës, ku në fazën e parë do të funksionojë vetëm me shërbim ditor. Do të mbulohet komplet rajoni i komunës së Zhelinës dhe me këtë besoj se do të arrimë me kohë të shpëtojmë pronat dhe jetët e njerëzve”, tha Bilall Kasami – kryetar i Tetovës.
“Për herë të parë komuna e Zhelinës bëhet me zjarrfikës dhe kërkesa e qytetarëve ka qenë e kamotshme që të behët me njësi zjarrfikësve, sidomos në vendet malore që për shkak të largësisë nga Tetovë nuk kemi arritur me kohë që të intervenojmë në rastet e paraqitura me zjarr”, dekalroi Blerim Sejdiu – kryetar i Zhelinës.
Sipas Avni Ametit, komandat i Njësisë kundër zjarrit të Tetovës, kjo njësi për momentin do të jetë 12 orë në dit në shërbim, ndërsa më pas duhet të jetë 24 orë. Gjithashtu kjo njësi do të intervenon edhe në aksidente në autostradën Tetovë-Shkup.
“Kjo pikë këtu do funksionon gjatë ditës nga ora shtatë e mëngjesit deri në shtatë të mbrëmjes, gradualisht do të funksionon edhe 24 orë. Siç u cek është edhe autostrada që lidh Tetovën me Shkupin që ndodhin shpesh aksidente të ndryshme”, tha Avni Ahmeti- Komandat i NJTKZ Tetovë.
Ndryshe Komunat rurale do të duhet të kontribuojnë financiarisht në njësinë kundër zjarrit, ndërsa për momentin harxhimet do i mbulon komuna e Tetovës.
