Pas dështimit që vendi të merr datë për fillim të negociatave me BE-në, Aleanca për shqiptarët kërkon dorëheqje të Qeverisë dhe zgjedhje të parkohëshme parlamentare në muajin janar të vitit të ardhshëm.
Kryetari i Aleancës për shqiptarët, Ziadin Sela fajësoi qeverinë për këtë dështim, duke nënvizuar se Qeveria e Zaevit është treguar e pakompetentë në momentin që ka zgjedhur krimin dhe korrupsionin në vend të progresin dhe duke zgjedhur edhe Bashkimin Demokratik për Integrim si partnere të koalicionit, në vend të ardhmërisë së rinisë.
Ziadin Sela
“Fatkeqësisht qeveria u tregua e pakompetentë, ata zgjodhën krimin dhe korrupsionin, në vend që të zgjedhin progresin, të drejtën dhe BE-në. Ata zgjodhën BDI-në dhe kriminelët e mëdhenj dhe të vegjël të tyre, në vend që të zgjedhin progresin dhe ardhmërinë e rinisë. Ata zgjodhën ta heshtin Magjar Telekomin, e Pacientin, e plot rastë të tjera, vetëm e vetëm që të veprojnë me logjikën e mbrapsht të 20 e ca viteve, që vetëm një politikan i korruptuar shqiptarë është i dëshirueshëm për Qeverinë. Prandaj çmimin e këtij zhgënjimi patjetër se Qeveria duhet të paguaj”.
