Në vend që të vijë në Çair, ku është më i thirruri, së bashku me “princeshën e tij të ndërtimeve pa leje”, Izet Mexhiti po tallet me qytetarët ndërsa promovon projektet e të tjerëve, thotë Kryetarja e Qytetit të Shkupit, Danela Arsovska, pas promovimit të makinave elektrike.
Arsovska thotë se projekti i ndarjes së makinave është një projekt i nisur në bashkëpunim me një kompani private dhe ndërmarrjet e qytetit të Shkupit.
“‘Trimi’ Medxiti nuk do të më përballet kurrë në terren për ndërtesat pa leje që ai dhe Visar Ganiu kanë ndërtuar dhe legalizuar në mënyrë të paligjshme në Çair për vite me radhë, duke falsifikuar dokumente dhe leje për ato ndërtesa pa leje”, thotë Arsovska.
Turp për Maqedoninë dhe këtë qeveri, shton ajo, janë Izet Medxhiti dhe Visar Ganiu.
“Imagjinoni, një njeri që qëndron pas qindra ndërtesave të paligjshme, që ka vënë në rrezik mijëra qytetarë, që ka falsifikuar dokumente me mashtruesin e tij, tani është zëvendëskryeministër dhe promovon projekte të të tjerëve në media dhe qytetarët”, thotë Arsovska.
