Zëvendësministri i brendshëm, Astrit Iseni, lidhur me arrestimin e një dite më parë të të riut nga Kumanova Ard Saiti, për shkak të festimit me flamur kombltar, ka reaguar përmes një postimi në profilin e tij në facebook. Iseni thotë se policia ka vepruar sipas ligjit dhe se po veprohet sipas procedurave ligore. Iseni shton në tej se MPB mbetet e përkushtuar ndaj për ruajtjen e sigurisë dhe qetësisë për të gjithë.
Postimi i plotë i zëvendësminstrit Iseni
Të nderuar qytetarë,
Gjatë shënimit të Ditës së Flamurit në Kumanovë, disa persona shkelën rregullat dhe cenuan rendin publik.
Policia ndërhyri sipas ligjit dhe veprimi u bë pa dallim etnik, duke garantuar që çdo qytetar të trajtohet në mënyrë të drejtë dhe të barabartë.
Procedurat ligjore për rastet e konstatuara po vazhdojnë, ndërsa MPB mbetet e përkushtuar në ruajtjen e sigurisë dhe qetësisë për të gjithë.
Respektimi i ligjit është një detyrë për çdo qytetar, dhe nuk do të tolerohen veprime që nxisin tensione apo përçarje.
Siguria, rendi publik dhe respekti ndaj ligjit janë prioritet për MPB-në dhe do të zbatohen në mënyrë të paanshme, për të garantuar qetësinë e çdo qytetari, pa dallim etnie, besimi apo përkatësie tjetër.
Gëzuar festat e Nëntorit! Le të festojmë në paqe dhe me respekt për njëri-tjetrin.
