Zëvendëskryeministri për Qeverisje të Mirë, Arben Fetai pjesë e koalicionit VLEN bëri të ditur se hisja e VLEN-it në Qeveri do të ngelet e paprekur, ndërkaq theksoi se edhe hisja e ASH-së pjesë e VLEN-it do të mbetet ajo që ishte, transmeton TV21.
“Hisja e koalicionit VLEN do të ngelet e paprekur, mund të ketë rokada përbrenda koalicionit do të ketë nevojë ndoshta të akomodohet ndonjë deputet nga Fronti Europian, por këto çështje mbetet për t’u diskutuar. Hisja e VLEN-it nuk ndryshon, hisja e ASH-së përbrenda koalicionit VLEN ngelet ajo që ishte”, tha Arben Fetai – zëvendëskryeministër për Qeverisje të Mirë.
