Lideri i së majtës, Dimitar Apasiev, thotë se të gjashtë deputetët do të mbështesin që Afrim Gashi të mos jetë kryetar i Kuvendit. Ai ka theksuar se Kuvendi i Maqedonisë nuk duhet të kosovarizohet.
“Ftojmë hapur Mickoskin, mbështetje boshe, e paprecedentë, vetëm që parlamenti maqedonas të mos kosovarizohet më. Është antikushtetuese të flasësh në gjuhë të ndryshme nga maqedonishtja kur kryeson një seancë”, tha Apasiev.
Ai ka theksuar se Ligji për Gjuhët është jokushtetues, sipas të cilit Talat Xhaferi i ka udhëhequr seancat në gjuhën shqipe.
Ai shtoi se nëse flet në gjuhën maqedonase, mund të kryesojë.
“Ju votuat për patriotët, ky do të jetë realiteti juaj”, shtoi Apasiev.
