Lideri suprem i Iranit, Ali Khamenei, paralajmëroi sot se çdo përfshirje direkte amerikane në konfliktin e Iranit me Izraelin do të kishte “pasoja të pariparueshme”.“Izraeli ka bërë një gabim të rëndë dhe do të përballet me pasojat”, tha Khamenei në një fjalim televiziv.
Ai shtoi se Irani nuk do ta falte shkeljen e hapësirës ajrore të tij ose derdhjen e gjakut të “martirëve” të tij.
“Ata që e njohin historinë dhe popullin e Iranit e dinë se është më mirë të mos kërcënojnë. Amerikanët duhet ta kuptojnë se çdo ndërhyrje ushtarake padyshim do të shkaktojë dëme serioze dhe të pariparueshme. Ata duhet ta dinë se Irani nuk do të dorëzohet dhe se çdo sulm amerikan do t’u kushtojë shtrenjtë – në formën e pasojave serioze dhe të pariparueshme.”
Tensionet janë përshkallëzuar që nga e premtja, kur Izraeli kreu sulme ajrore në shumë vende në të gjithë Iranin, duke përfshirë objekte ushtarake dhe bërthamore, duke bërë që Teherani të nisë sulme hakmarrëse.
