Kryetari i BDI, Ali Ahmeti ka uruar të gjithë nxënësit për fillimin e vitit të ri shkollor e gjithashtu edhe mësimdhënësit për kontributin e tyre në arsim.
“Në ditën e parë të vitit shkollor, uroj nxënësit me urata për shumë suksese dhe shpreh mbështetje të pakushtëzuar për të gjithë mësimdhënësit në përpjekjet e tyre për të arritur qëllimet edukative.
Uroj po ashtu prindërit për fëmijët e tyre që po fillojnë shkollën për herë të parë, bashkë edhe me ata që kthehen në bankat shkollore pas pushimeve të verës.
Paçi një vit të mbarë me plot shëndet, suksese dhe me sa më shumë respekt shoqëror për arsimin.”
