Kryeministri i Kosovës, Albin Kurti është shprehur i pikëlluar për vdekjen e ish-sekretares të Shtetit të SHBA-së, Madeleine Albright.
Në një postim në Twitter Kurti ka shkruar se Albright ishte mike e Kosovës deri në fund dhe një partnere me të gjithë ata që ndoqën paqen, lirinë dhe demokracinë.
“Me pikëllim dëgjova për vdekjen e Madeline Albright, një grua e shquar me moral të pakompromis për Shtetet e Bashkuara, një mike e Kosovës deri në fund dhe një partnere me të gjithë ata që ndoqën paqen, lirinë dhe demokracinë. Do të na mungosh, zonja sekretare”, ka shkruar Kurti në Twitter.
