Menjëherë pas mbërritjes së denoncimit, janë ndërmarrë procedurat standarde të sigurisë, ndërsa nxënësit dhe stafi janë evakuuar përkohësisht nga objekti i shkollës.
Një alarm për bombë ka mbërritur mëngjesin e sotëm në gjimnazin e Tetovës “Kiril Pejçinoviq”, informojnë nga Sektori i Punëve të Brendshme (SPB) Tetovë.Sipas informacioneve fillestare, menjëherë pas marrjes së mesazhit kërcënues, janë ndërmarrë të gjitha masat e sigurisë dhe nxënësit bashkë me personelin janë larguar nga ndërtesa.
Policia, siç njoftojnë nga SPB Tetovë, ka mbërritur menjëherë në shkollë dhe pas kontrolleve të kryera, ka konstatuar se bëhet fjalë për alarm të rremë për bombë të vendosur.
Ky është një nga një sërë kërcënimesh të njëpasnjëshme që janë regjistruar në këtë institucion arsimor gjatë periudhës së kaluar.
