Në Maqedoninë Veriore, shqiptarët mund të bëhen liderë partie, deputetë, kryeparlamentarë, ministra, kryeministra, ndoshta edhe kryetar shteti, por nuk mund të bëhen pjesëtarë të njësitit të policisë për veprime speciale (kundërterror) me emrin “Tigrat”, me arsyetim se shqiptarët nuk janë të aftë për kryerjen e kësaj detyre (sipas pushtetit)! Kush e kontrollon këtë shtet? Këtë duhet t’ua sqarojnë shqiptarëve dhe qytetarëve të tjerë drejtuesit e pushtetit dhe të partive politike, në fushatën aktuale të zgjedhjeve presidenciale dhe parlamentare. Kjo mund të jetë arsyeja kryesore pse pjesa dërmuese e qytetarëve të këtij vendi nuk marrin pjesë në zgjedhje! Mosni bre, se nuk hanë barrë qytetarët e këtij vendi!
(11 prill 2024)
