Edhe pse është rritur paga minimale, në sektorin publik ende ka të punësuar të cilët të ardhurat mujore janë nën shumën prej 18 mijë denarë, për aq sa është përcaktuar me ligj paga më e ulët, njoftoi Konfederata e Sindikatave të Lira (KSS). nis nesër protestat e përditshme të pasdites. Nesër është planifikuar një marsh protestues nga Kuvendi drejt Qeverisë, i cili do të nisë në orën 16:00.
Kryetari i KSS, Blagoja Ralpovski thotë se do të qëndrojnë në rrugë derisa shteti t’i plotësojë kërkesat e tyre për harmonizimin e pagave me pagën minimale.– Nëse nesër në orën 12 nuk ndodh diçka, nuk ka asnjë premtim për realizimin e kërkesave tona, ne do të protestojmë çdo ditë nga ora 16:00 deri në 17:00. Këto ditë pothuajse në mënyrë të padukshme është miratuar Ligji i ri për nëpunësit administrativ, në të cilin ka rritje të turpshme të pagave nga 100 në 200 denarë. Një pjesë e administratës publike është kthyer në kategori sociale, është sjellë në prag të mbijetesës në kushte të rritjes së çmimeve ditore dhe rritjes së inflacionit, tha Ralpovski. linku
