Tetë vende të Bashkimit Evropian në kufi me Detin Baltik kanë rënë dakord të rrisin kapacitetin e tyre të prodhimit të energjisë nga era në det të hapur shtatë herë – në 20 gigavat deri në vitin 2030 – në mënyrë që të reduktojnë varësinë nga energjia ruse.
Premtimet vijnë pasi Rusia ose ka shkurtuar ose ka ndaluar furnizimin me gaz për disa vende që nga pushtimi i saj në Ukrainë. “Ne kemi rënë dakord të rrisim erën në det të hapur në Detin Baltik shtatë herë deri në vitin 2030,” u tha gazetarëve kryeministrja daneze Mette Frederiksen pasi priti një takim midis Danimarkës, Estonisë, Finlandës, Gjermanisë, Letonisë, Lituanisë, Polonisë dhe Suedisë.
“Ne jemi vija e parë e sigurisë energjetike evropiane,” tha Frederiksen. “Në këtë luftë, Putini po përdor energjinë si armë dhe e ka vënë Evropën, siç e dimë të gjithë, në prag të një krize energjie me çmime të larta të energjisë”, shtoi ajo.
