Me datë 06.07.2022, pas masave dhe veprimeve të ndërmarra nga zyrtarët policorë të Departamentit të Policisë Kriminale, është privuar nga liria J.K.(63) nga Shkupi, i punësuar si inspektor në Drejtorinë e të hyrave publike. Në cilësinë e zyrtarit, gjatë muajit maj dhe fillim të qershorit, duke vepruar me urdhër të kontrollit të TVSH-së, nga pronari i personit juridik nga Shkupi, ka kërkuar shpërblim në të holla-ryshfet në shumë prej 700 euro për ta marrë. veprim zyrtar që nuk është dashur ta ndërmerr, përkatësisht ka përgatitur Procesverbal me gjetje më të vogël, i cili sipas tij është dashur të jetë 600.000 denarë.
J.K., pas një bisede të mëparshme telefonike dhe marrëveshjes për t’u takuar, gjatë ditës së sotme në Shkup ka kërkuar dhe ka pranuar mjetet në shumën e kërkuar, pas së cilës është ndaluar nga zyrtarët policorë. Me urdhër të mëparshëm të gjyqtarit të procedurës paraprake, në vendin e personit është kryer kontrolli, gjatë të cilit janë gjetur mjetet e dhëna nga personi juridik. Pas dokumentimit të çështjes, ndaj personit do të paraqitet parashtresa përkatëse.
