Propozimi i presidencës franceze na çon më larg dhe jo më afër anëtarësimit në BE, thotë ish-ministri i Jashtëm Nikola Dimitrov.
Pyetja kryesore është nëse përmes një marrëveshjeje të tillë jemi më afër qëllimit – anëtarësimit në BE. Për mua nuk ka dilema. Në këtë kuadër, BE-ja është më larg nga sot, kur ende nuk i kemi filluar negociatat, tha Dimitrov në një deklaratë për Deutsche Welle-n, pas shpalljes së propozimit francez për tejkalimin e kontestit bullgaro-maqedonas dhe hapjen e negociatave me BE-në.
Ai shpjegon se propozimet për zgjidhjen e një problemi mes dy palëve janë gjithmonë në radhë të parë tek palët e interesuara, por fakti, siç thotë ai, që një propozim i tillë “ka rënë fare në tavolinë tashmë është një debakli për diplomacinë maqedonase”.
“Futja e kërkesave bullgare në procesin e negociatave, në pjesën më të rëndësishme – klasterin Fundamenti, e vendos fatin tonë tërësisht në duart e Sofjes. “Nëse ajo nuk është e kënaqur me asgjë (jo vetëm me përfshirjen e bullgarëve në Kushtetutë), ne do të qëndrojmë në vend ose do të na kthejnë prapa”, tha Dimitrov.
Nuk e di, shprehet ai, çka është më keq, t’i besojmë popullit tonë se nuk e kanë propozimin apo të mos i besojnë.
“Nëse ata nuk janë të përditësuar me një propozim në lidhje me problemet e Maqedonisë me Bullgarinë, atëherë është një njohje se ata nuk e kanë kryer punën e tyre në çështjen më të rëndësishme për kombin.” “Nëse e kanë dhe thonë se nuk e kanë, po luajnë me besimin e publikut”.
