Moska zyrtare paralajmëroi sot se Evropa do të goditet rëndë në rast të një embargoje ndaj naftës ruse, pasi kjo do të prishte ekuilibrin energjetik të kontinentit.
Në të njëjtën kohë, udhëheqja ruse thekson se një vendim i tillë nuk ka asnjë efekt për Shtetet e Bashkuara.
Zëdhënësi i Kremlinit Dmitry Peskov u tha gazetarëve se çështja e çdo ndalimi të importit të naftës ruse ishte një çështje shumë komplekse.
Disa ministra të jashtëm të Bashkimit Evropian po bëjnë presion për një embargo të naftës si pjesë e sanksioneve shtesë kundër Rusisë për të ndëshkuar Moskën për veprimet e saj në Ukrainë, shtoi agjencia.
Informacioni se BE-ja po konsideron t’i bashkohet embargos së SHBA-së ndaj importeve të naftës ruse sot nxiti rritjen e çmimeve të “arit të zi” me më shumë se 3%.
