NATO do t’u thotë komandantëve të saj ushtarakë sot që të hartojnë plane të reja mbrojtëse kundër Rusisë, pasi vendi filloi një pushtim të Ukrainës.
Plane të tilla do të përfshijnë më shumë trupa dhe mbrojtje nga raketat në Evropën Lindore, raportoi Reuters.
Qëllimi i planeve të reja është ngritja e gatishmërisë për të penguar Rusinë nga çdo agresion kundër NATO-s.
“Ne duhet të rivendosim qëndrimin tonë ushtarak ndaj këtij realiteti të ri”, tha të martën Sekretari i Përgjithshëm i NATO-s, Jens Stoltenberg.
Sot mbahet një takim i jashtëzakonshëm i ministrave të mbrojtjes të NATO-s.
“Ministrat do të fillojnë një debat të rëndësishëm për masat konkrete për të forcuar sigurinë tonë afatgjatë në të gjitha fushat”, tha Stoltenberg.
