Mëngjesi më i ftohtë është në Kodër të Diellit ku janë matur -14 gradë, në Mavrovë -12, Krushevë – 10, Berovë dhe Kriva Pallankë -7, Manastir dhe Ohër -6, Prilep – 5, Shtip dhe Demir Kapi -4. Strumicë dhe Kumanovë – 3, Shkupi dhe Tetovë -2, Gjevgjeli -1 dhe në Dojran zero gradë.
Po ashtu Enti hidrometeorolgjik republikan i RMV-së ,bën të ditur se në Kodër të Diellit ka 64 centimetra borë, në Krushevë 62 dhe në Mavrovë 52 centimetra. Moti sot do të jetë i ndryshueshëm i vranët dhe i ftohtë me reshje të herëpashershme të borës, sidomos paradite në pjesët perëndimore. Do të fryjë erë e lehtë deri mesatare nga veriu, më e theksuar përgjatë Povardarit dhe në pjesët lindore. Temperatura maksimale do të arrijë nga -2 deri në 6 gradë. Në Shkup me vranësira të pjesshme dhe të ftohtë me reshje të kohëpaskohshme bore, sidomos në mëngjes. Do të fryjë erë mesatare nga veriu. Temperatura maksimale do të arrijë në 3 gradë.
