Administrata e presidentit amerikan Joe Biden po shqyrton lehtësimin e sanksioneve ndaj Venezuelës në mënyrë që vendi të fillojë të prodhojë më shumë naftë dhe ta shesë atë në tregun ndërkombëtar, sipas një burimi të CNN.përcjell press24.mk
Masa do të synojë zvogëlimin e varësisë globale nga nafta ruse mbi pushtimin rus të Ukrainës dhe izolimin e Rusisë nga një prej aleatëve të saj kryesorë në Amerikën e Jugut, tha burimi.
Përfaqësues nga administrata Biden, duke përfshirë drejtorin e Këshillit Kombëtar të Sigurisë Kombëtare të Hemisferës Perëndimore, Juan Gonzalez dhe i dërguari i posaçëm i SHBA për marrjen e pengjeve, Roger Carstens, u dërguan në Karakas gjatë fundjavës për të diskutuar çështjen.
Gjithashtu, do të flitet edhe për shtetasit amerikanë, të cilët aktualisht ndodhen në paraburgim në vend.
Për të përmbledhur, Uashingtoni vendosi sanksione ndaj naftës venezueliane në vitin 2019 dhe mbylli ambasadën e tij në Karakas sepse e konsideroi atë një fitore të rreme të presidentit venezuelian Nicolas Maduro në zgjedhjet e 2018.
