Shumë herë është konfirmuar se dallavereti kryesor në Maqedoni është Zoran Zaev. Konfirmimi i fundit i reketit nga Zoran Zaev është korrespondenca e publikuar publikisht nga Bojan Jovanovski – Boki 13”, reagojnë nga opozita VMRO-DPMNE.
Ata vlerësojnë se është e qartë, pasi thonë se kreu i oktapodit reketues është Zoran Zaev dhe si biznesmenë janë shantazhuar dhe reketuar.
Dëshmitë konfirmojnë, shtojnë nga kjo parti, se si Zaev jep udhëzime me të cilat është më e volitshme që bashkëpunëtorët e tij të pajtohen për gjërat.
“Qytetarët mund të shihnin gjithashtu sesi tentakulat e oktapodit shitën dhe shndërruan tokën bujqësore në pronësi të shtetit në tokë ndërtimore. Derisa fermerët po luftojnë për të mbijetuar, Ljupço Nikolovski transformoi dhe shiti tokën në vetëm një ditë. Ljupço Nikolovski, pas mesazheve të publikuara se si bën krim me transformimin e tokës bujqësore për përfitime personale, duhet menjëherë të japë dorëheqje nga pozita e ministrit të Bujqësisë. Heshtje e plotë nga Zaev, Nikollovski, Rashkovski dhe të gjithë të thirrurit në korrespondencën e të akuzuarit në rastin “Bashkimi Ndërkombëtar”, Bojan Jovanovsi – Boki 13”, theksohet në letrën e shkruar nga VMRO-DPMNE.
Përkundër dëshmive të publikuara publikisht, përkundër të gjitha dëshmive të biznesmenëve dhe qytetarëve për reketimin dhe krimin e qeverisë së LSDM-së, VMRO-DPMNE thekson se fajtorët kryesorë nuk janë ulur në bankën e të akuzuarve.
“Pesë vite të shpenzuara për qytetarët nga qeveria e LSDM-së dhe Zoran Zaevit vetëm me krim dhe korrupsion. Pesë vite stagnim i Maqedonisë dhe regres i të gjitha rangimeve botërore”, thonë nga partia.
