Kreu i Bashkimit Demokratik për Integrim, Ali Ahmeti pas takimit me kryeministrin bullgar Kiril Petkov tha se tek ai ka parë vullnet për të zgjidhur çështjet e hapura mes Shkupit dhe Sofjes, përcjell TV21. Ahmeti tha se shpreson që të gjendet zgjidhje sa më parë me qëllim që vendi të hap negociatat për anëtarësim në BE, në qershor të këtij viti.
Kryetari i Bashkimit Demokratik për Integrim, Ali Ahemeti pas takimit me kryeministrin bullgar Kiril Petkov në konferencë për shtyp theksoi se ka uruar atë për postin e ri dhe sukses, sidomos në marrëdhënies mes Maqedonisë së Veriut dhe Bullgarisë.
“Dy vendet jemi në proces shumë të rëndësishëm, të dy vendet kanë nevojë të jashtëzakonshme për të relaksuar raportet. Kemi folur shumë hapur për temat të cilat kërkojnë zgjidhje, por njëherit edhe guxim sepse nuk duhet të përfshihemi nga emocionet, por të jemi racional. Biseduam edhe për korridorin 8 si një korridor i cili afron dy brigje, tre kryeqytete”, tha Ahmeti.
Ai u shpreh janë dakorduar që të ndërtohet korridori sa më parë si ai automobilistik ashtu edhe ai hekurudhor.
“U dakorduam të kemi bashkëpunim dhe komunikim në të gjitha fushat, si në ekonomi, investime ashtu edhe në kulturë. Qëllimi ynë mbetet gjithmonë që Republika e Maqedonisë së Veriut të hap negociatat për anëtarësim në BE. Të gjithë e dime se pa u mbull kontesti apo dallimet që ekzistojnë mes Shkupit dhe Sofjes se janë pengesë, por unë sot pash një vullnet të fortë te kryeministri bullgar që kjo çështje të merr epilog dhe sa më parë të gjendet zgjidhje e pranueshme për palët dhe ne të çelim negociatat në qershor të këtij viti”, u shpreh Ahmeti.
“Unë sot pash një vullnet shumë të fort te kryeministri bullgar që kjo çështje të merr një epilog dhe sa më parë të gjendet zgjidhje e pranueshme për palët dhe ne të çelim negociatat për anëtarësim në qershor të këtij viti”, tha mes tjerash Ahmeti.
