PORT-AU-PRINCE –
Dy gazetarë nga Haiti u vranë të enjten në periferi të Port-au-Prince pasi anëtarët e dyshuar të bandës hapën zjarr ndaj një grupi gazetarësh që kishin mbërritur për të intervistuar liderin e një bande rivale, sipas një zyrtari policor dhe mediave lokale.
Dy gazetarët e vrarë ishin Amady John Wesley, i cili punonte për stacionin radiofonik me bazë në Montreal, Ecoute FM, dhe reporteri lokal Wilguens Louissaint, sipas një zyrtari të policisë së Haitit, i cili foli në kushte anonimiteti.
Ecoute FM konfirmoi vdekjen e Wesley-t në një deklaratë, duke e përshkruar vrasjen si një “akt kriminal dhe barbar”.
Një gazetar i tretë në grup ishte në gjendje t’i shpëtonte sulmit, tha zyrtari i policisë.
Banda të shumta po luftojnë për kontrollin e zonës së Laboule 12, ku ndodhën vrasjet.voa
